Aua le nofoa’i

By Ilia L Likou 01 November 2017, 12:00AM

O lea le finagalo fa’aalia o le tamā i a Aoto’a Suega i le Fofoga o Samoa i le aso ananafi.

Na ia fa’ailoa o se tulaga faigata tele lea i le taimi lenei, ma o se itu e ao lava ona va’ava’ai pea i ai le to’atele i le taimi lenei.

O Aoto’a o lo’o galue i se tasi o kamupani ma o lo’o ia fesoasoani tele i le tausiga o lona aiga.

“Ia o a’u e to’atolu si a’u fanau ma mo le silafia ai ua faigata lava nei aso, aua ua le toe fiagofie lava mea uma o lo’o ua tatou i ai nei.

“O a’u la ou te faigaluega iinei ae o lo’u to’alua ma si a ma fanau e to’atolu o lo’o i Savai’i ia ma e i ai fo’i la matou ma’umaga.”

“O le tele lava o tagata ia e fesili mai lava, ae o la’u ia tali i ai, ia o le galue lava i so’o se mea e iloa e mafai ona fesoasoani ai i so’o se vaega.”

“E ui lava ina i ai le ma’umaga ae le taitai ona fa’atusalia ai le tulaga fo’i lea o le taumafai pea ia atia’e aiga.”

“Ua tatou iloa o Samoa e tele le mea’ai ae o le itu lava ia tau tupe ia o lena ua silafia uma lava, e le fa’apea o aso uma e u’u ai se tupe.”

“Ae pei ona ou fa’ailoa ia e to’atolu la’u fanau o lo’o i le aoga tulaga lua uma, ia e mana’omia lava le tupe i taimi uma.”

“E pei o lea lava le una’i i a te a’u ina ia fa’atino mea uma aua le lelei aga’i i luma o lo’u aiga aemaise o le fanau i a’oa’oga.”

Na ia ta’ua o le olaga lenei ua faigata mea uma ma ua tau le mafai e tagata ona tau ma le tau o le soifuaga.

“Ia o lena , o tupe mea uma, aua a leai le tupe e leiloa pe a fa’afefea le olaga o lo’o ua i ai nei, ma o se tulaga e ao lava ona toe va’ava’ai ai le tele o matua.”

“Ia aua le fa’avaivai ae tulei fanau i aoga, aua a i’u lelei ia e manuia atu ai ma aiga.”

By Ilia L Likou 01 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>