E FAAVAVAU LE OLA AOAOINA

By Theresa Meaole 02 October 2016, 12:00AM

Na faaiu i le tagata le foafoaga a le Atua,

Faalogo ma usitai o le aoaoga lea na muamua.

O le afuaga lea o le ola aoaoina,

I le va o le Atua ma le tagata na fausiaina.

Sa i le amataga la o le foafoaga le ola aoaoina,

Lea lava o loo faaauauina.

E amata mai i totonu o aiga,

O tatou ola ia tatau lona faaaogaina.

Tu,savali,nofo ma le tautala,

Usitai faalogo ma ia iloa ona ava.

Aoao ia i le tama e tusa ma ona ala,

Fetalaiga tuusao lea a le Atua i o tatou olaga.

O le va ma le faiaoga i le faleaoga lona lua,

Latou te aoaoina le poto salalau mo i taua.

Amio pulea ma ia ola tumama,

Manatua e atagia ia i taua le tama ma le tina.

Ia faaaloalo ma tausaafia,

Uiga lelei na e ao ona faaalia.

Le va ma le faifeau i totonu o Ekalesia,

Se tasi lea o nofoaga o aoaoga ua lausilafia.

Ia aoaoina i le ola faatuatua,

Aua nei galo le upu a le Atua.

O le sulu foi lea i o tatou ala,

E faavavau lona malamalama.

Pe toeaina pe loomatua,

E aoao mai pea le upu a le Atua.

Aoai faatonu ma faapoto,

Ina ia o ta maua le ola saoloto.

E ola pea i totonu o aiga,

Le ala lea o le faavavau o le ola aoaoina.

By Theresa Meaole 02 October 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>