Ua avea le S.V.S.G. ma Faalapotopotoga e finau malosi mo le amiotonu

By Deidre Fanene 02 September 2016, 12:00AM

Na tatala aloa’ia e le Samoa Victim Support Group (S.V.S.G.) se Galuega fou o le Nofotane mo le Faamalosia tauTamaoaiga o Tama’ita’i” ananafi i le Millenia Hotel. 

Na Faatupe e le UN Women’s Fund mo le Tulaga Tutusa o Tagata-o lenei galuega o le a aofia ai le sili atu i le 1,400 tamaitai o le malo atoa o Samoa ma faamanuiaina ai le tele o aiga i lona taunuuga ma o le a tuuina atu ai le lagolago tau le poto faapitoa ma le lagolago tau tupe i taumafaiga e sili ona aafia ai-mai tamaitai –o loo taiulu i faalapotopotoga a tagata lautele ia e faaalia ai taunuuga mautu i luga o le eleele, aemaise ai lava mo tamaitai o loo i totonu o tulaga e le atoatoa I lana lauga i le tatalaina-fai mai le Palemia o Tuilaepa Sailele Malielega-o le taimi muamua na faavae ai le S.V.S.G. i le 2005-ua na o lona tuuina atu o mea mo e afaina i solitulafono tau feusuaiga. 

 “I le Asŏ, o lea ua tatou molimauina le tuputupu a’e o le Faalapotopotoga, mai le na o se faalapotopotoga e tuuina atu se nofoaga mo tamaiti na faasaoina mai faiga sese tau feusuaiga, e avea ma faalapotopotoga e finau malosi mo le amiotonu ma mo aiga to’afilemu,” o lana faaaliga lea. Ma o lenei matafaioi tau le una’ia-e mafua i le iloa lelei o le tuputupu a’e malie o nuu, e fo’ia ai mataupu lautele o loo afaina ai o tatou tagata. 

Fai mai a ia o le faamoemoe o le galuega e mo tamaitai nofotane i totonu o Samoa-ina ia faaleleia o latou avanoa i galuega e mafai ona faatumauina ma le faateleina o lo latou auai i mataupu tau le aiga ma le nuu. 

“[Ma] o lenei faiga e ala i le una’ia o se suiga i le mafaufau o ta’ita’i o nuu, e lagolago le faamalosia tau tamaoaiga o le fafine nofotane,” o lana faaaliga lea.  

“Mo lenei galuega tele ina ia mafai ai ona fai soo se eseesega i le maualuga o le tulaga aloa’ia e tuuina atu i fafine nofotane i totonu o tatou aiga, o lea o le a faaauau ai pea ona faatino e le SVSG aoaoga e una’ia ai ona sui o nuu, ia fai ai se suiga i le mafaufau, o taitai o nuu, ta’ita’i o ekalesia ma ta’ita’i o aiga, ina ia tutusa ai le faiga o tamaitai e pei o alii.

“O le mea o loo faatūtū i ai le galuega o le fia ausia lea ma le faaleleia o le malosi tau tamaoaiga o tamaitai ma ia faateleina ai lo latou auai i totonu o mataupu tau aiga ma le atunuu. E mafua lenei mea ona o le tulaga o tamaitai e aumai ai se suiga tau tamaoaiga mo i latou lava, aiga ma nuu, o se tasi lea o itu e sili ona taua-e ‘ausia ai le tulaga tutusa o le tane ma le fafine.”

Sa faaauau pea lana lauga ma fai mai o lenei polokalame semanu e le mafai ona tino mai pe ana le seanoa le lagolago a le Faaputugatupe a Tamaitai o Malo Aufaatasi mo le Tulaga Tutusa o le Tana ma le Fafine. Na latou folafola mai i taimi amata o Aokuso 2016 e faapea ua maua e le Samoa Victim Support Group (SVSG) se tupe faa-meaalofa e USD 200,000 e faatino ai le polokalame e lua tausaga ua faaigoaina “Faamalosia Tau Tamaoaiga o Nofotane i Nuu i Tua o Samoa,” e faatino ai le matafaioi tau le una’ia a le S.V.S.G.i le isi maualuga, o lana faaaliga lea. “O le tulaga tutusa o Tagata mo fafine nofotane e ala i le faamalosia tau tamaoaia o i latou o le vaaiga tausili lea e lenei galuega. 

 “O le foa’i i le SVSG na tuuina mai i le faagasologa o le faatinoina o le foa’i a le Faaputugatupe 2015, lea na ala mai ai le toe faamaonia e Tamaitai o le UN lona noatia i le lagolaoina ma le faamalosia o faalapotopotoga a tamaitai e avea ma faata’ita’iga o suiga ma ni tagata lelei e faatinoina ina ia ‘ausia ai le tulaga tutusa o tagata ma le faatumauina o le atiina a’e o lea fuafuaga. .

“O le SVSG o se tasi lea o polokalame e sili ona tulaga lelei 24 na filifilia ina ia faatinoina i le 2016 -2018 mai le 1,400 talosaga mai le lalolagi atoa; o se mea muamua lea mo le itulagi o le Pasefika ma mo Samoa mo le Faaputugatupe a Tamaitai o Malo Aufaatasi mo le Tulaga Tutusa o Tagata. 

I le 2010, faatasi ai ma le lagolago tau tupe mai le Malo o Samoa, na faatino e le SVSG i le malo atoa se taumafaiga “Leai se Toso Teine & Amio e le Talafeagai ai-lea na una’ia ai i latou na afaina i solitulafono tau feusuaiga. O se taumafaiga lea na una’ia ai e na afaina i solitulafono tau feusuaiga-ina ia tulai mai, ma faailoa mai.” 

By Deidre Fanene 02 September 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>