O se tiute taua a tina mo le olaga o fanau

Tusia Lizzy Hunt ,

56 Hits

FAI LOU TIUTE FAALE-TINA: Nati Lua mai le nuu o Lalomanu Uta

FAI LOU TIUTE FAALE-TINA: Nati Lua mai le nuu o Lalomanu Uta

E mafai ona avea tina ma se se puipuia fanau faapei o tama.

Ona latou te taumafai lava ia faia meauma ina ia sefe mai ai le fanau mai fa’afitauli

Na fa’aataina e Nati Lua mai Lalomanu uta faafitauli fa’atatau lea i fanau ma tupulaga.

“E maupaolo lava fanau i aiga ona o tina.” Ole saunoaga lea ole tina ile fofoga o Samoa

“Ae olea le mea ua tupu i le taimi nei? Ua fai lava ele tina ia le mea e fiafia iai ae tuu fanau i le fale.

“Ia ma e iu lava ina oso ifo amioga ele tatau ma manatuga ele talafeagai ona ua avea le aiga ma se nofoaga ele faapei o ni aiga, aemaise lava pea fai o teine le fanau.

“E sa’o, o le tama ma le tina lava olo la tiute lava o fanau  ae ole tiute lava fa’aletina ole vaaiga lea ma le puipuia leleia lea o fanau teine

“O fa’afitauli uma lava ua tutupu e afua mai i matua, ua latou le talanoa ma fautua i a latou fanau ao latou tuputupu ae.

“I le taimi ua latou tuputupu ae ai ma fai o latou lava aiga, ua toe faigata ona toe tuu atu se upu iai latou. Ona latou mafaufau ifo lava ua latou iloa meauma.

Na ia fa’aopoopo “I isi taimi, ete iloa atu ai se teine ma se puta tele i lona manava ae ete le iloaina poo lea le taimi na tupu ai.

“O nei mea uma ua tutupu ae ona ua e fa’atamala i lou tiute faaletina ile vaaiga lea o lau fanau aemaise lava i fanau teine.

“E tatau ona tatou fa’afoia lena fa’afitauli ona ile iuga, ei luga lava o matua le sese.

“Ua tele le suiaiga ole lalolagi ma ole mea lelei lava mo matua ina mataitu i mea sese.

“Sei o tatou tagata’ai ile suiga ua iai nei ile itu tau tekonolosi; tatou vaai i le aafiaga o itu tautelefoni ua iai i o tatou fanau.

“E tatau ona tatou mataitu i lenei itu aemaise lava pea oo mai i le itu ole tausiga o fanau, ia faia ni auala e fautuainaai i latou i mea e tatau ona latou faia. Aua nei o tatou fefefe e fai o tatou tiute faaletama ma  faatina.

“o sou fautuaga mo tina uma o Samoa, ua televavave le suiga ua iai nei le olaga ma e tatau ona tatou mataituina o tatou fanau teine poo afifine.

“A sese se mea, ole mamafa lava e i luga o i tatou ona o i tatou o tina ma tatou te iloa lava ia mea uma.

“Ia tatou fautua iai latou i taimi uma ma ia mautinoa ua latou talia fautuaga i loto.

Ole tina 35 tausaga le matua e fai lava si ona fanau ma e toatasi lava si ona tama teine.

“E to’atasi lava si ou tama teine, ma o mea uma lava ia te au. O le mea lava lea i le aiga atoa, ae peitai faapei o au, e puipuia lava o ia e ona tuagane ma lona tama.

“OIe mafua’aga lea ua tuua ai o ia e alu i Ausetalia ina ia maua ai sona lumana’i manuia.”

© Samoa Observer 2016

Developed by Samoa Observer in Apia