O le Peresetene fou o le Faamasinoga o Fanua ma Suafa

By Lanuola Tusani Tupufia 02 July 2016, 12:00AM

 Ua aloa’ia. O le Failautusi o le Fono Aoao Faitulafono, o Fepulea’i Ropati Atila, o le Peresetene fou lea o le Faamasinoga o Fanua ma Suafa. 

Na fautuaina e le Komisi o Auaunaga Tau Faamasinoga i le Kapeneta i le vaiaso talu ai. Na faamaonia e le Palemia o TuilaepaSa’ileleMalielegaoi lea tofiga ananafi. 

.Fai mai Tuilaepa o le galuega fou a Fepulea’i o le a vave ai ona faamavae mai lona tulaga o loo i ai nei i le Fono Aoao Faitulafono. I le amataga o le vaiaso, na faamaonia e le Ofisa Sili o Pulega o le Matagaluega o Faamasinoga ma Pulega Tau Faamasinoga o Papalii John Taimalelagi le fautuaga a le Komisi o Auaunaga Tau Faamasinoga.

O lea Komisi o loo ta’ita’ifono ai le Faamasino Sili, Lana Afioga Patu Tiava’asu’e Falefatu Sapolu. O isi sui auai e aofia ai le Loia Sili a le Malo ma le Minisita o Faamsinoa ma Pulega tau Faamasinoga. 

O le a suitulaga Fepulea’i i le Peresetene muamua o Tagaloa Sale Kerslake.

By Lanuola Tusani Tupufia 02 July 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>