Si’itia le tau o suau’u mo le masina o Me

02 May 2018, 12:00AM

Ua faalauiloa mai e le Afioga i le Palemia o ia foi o le sui Minisita o Tupe, le Afioga ia Tuilaepa Dr Sailele Malielegaoi, tau fou o le suauu e afua atu i le Aso 1 o Me 2018.

Na ia saunoa, o lea si’itia le tau o le penisini i le 3 sene mai le $2.64 i le $2.67 i le lita, o le tiso o le a si’itia i le 3 sene mai le $2.64 i le $2.67 sene i le lita, ma le karasini o le a pa’ū i le 1 sene mai le $2.34 i le $2.33 i le lita.

O le tau o le tau o le suauu ia Me o loo atagia ai le si’itia o le tau ole penisini mai le tiso i Sigapoa ia Mati ae peita’i sa pa’ū le tau ole karasini i le $1.00 Tala Amerika ile paelo.

Na si’itia le tau ole fela’uaiga o le suauu i luga ole vasa ile $3.84 Tala Amerika i le mita tone; sa pa’ū le tu o le fefa’atauaiga o le Tala Samoa faatusatusa i le tala Amerika i le 0.6%.

Ua si’itia le tiute mo le penisini ma le tiso ile 2 sene i le lita ma ua aofia i totonu o le tau ole suauu ia Me.

Sa saunoa Mohammed le Perenise o Saudi Arabia i se la fonotaga ma le Peresitene ia Trump ia Mati, faapea ua ia vaaia le faatumauina o le maketi o suauu i le aga’i i luma, faaopopo iai ma le 84 tausaga e gaosia ai e lona atunuu le suauu.

O lo’o ta mau pea le Faalapotopotoga o Atunuu o gaosia ma tufatufaina le suauu i le lalolagi (OPEC) i le taofiofia o le suauu gaosia pei ona faailoa mai e Bart Meleki, le taitai o faigafaavae mo oloa i le TD Securities i Toronto.

02 May 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>