Aua le nofoa’i ae galue eleele

By Seia Soloi 01 April 2017, 12:00AM

O le aso ananfi na maua ai le fa’atalatalanoaga a le Fofoga o Samoa ma le tinã ia Sa Musiula o Falelauniu ma Vaiusu i lona manatu fa’alia le taugata le soifuaga ma le fa’alagolago lava i fua o fa’atoaga e ola ai. 

Sa ia fa’ailoa o nisi o atunu’u e  fa’alagolago tele i tupe mai galuega ao isi e sili atu le faigaluega i le maumaga ma tupe maua mai le maumaga nao o le tupe maua le galuega. 

 O le tinã ia Sa e 37 tausaga le matua le soifua ma e to’a 12 lana fanua ma e leai se tasi si ona aiga e faigaluega o le maumaga lavga o lo’o fa’amoemoe iai

“Ia o si o matou aiga nei, e to’a 12 le fanua, o le maumaga lava o lo’o fa’amoemoe e tausi ai, talu na matou o mai ma nonofo i nei o le maumaga lava lea tausi ai. 

“O le afa o le fanau e aooga o le isi afa e fai le fatu aiga tausi pei na fai atu o latou ia o lo’o galulue nei le maumaga ma togala’auaina aua se ala ga tupe. 

“Sa matou nonofo muamua i Vaiusu i nai o’u matua, ae peitai ona o le matauina o le to’atele o tagata ua ave fa’agaoi nisi o matou fanua lea ua ala ai na matou nonofo i inei e atina’e le isi matou fanua nei.

“Ua fai tele si uma ona matou omai i nei, ia o le maumaga lava na atina’e mai lenei lava ua o’o mai le taimi nei o le maumaga lava. 

“O mea fai uma lava le aiga, o le fanau, o mea le nu’u, ekalesia ma mea’ai o le maumaga lava le alagatupe. 

“O le tama lava le aiga e gafa ma lenei galuega e alu lava ma ave le fanau tama le maumaga ae o a’u ma si a’u fanau teine e gafa ma le togala’auaina i tai nei. 

O le naunua le tinã ia iloa e lana fanau le ola atina’e ma le le ola fa’alagolago. 

“Ia o le tala lava lea e ave le fanau, a le lava le atamai tau aoga e o lo’o iai le taleni ma le tomai tausi aiga e faia ai maumaga ma togala’auaina e maua ai se alagaatupe. 

“O le tele lava o tagata ua fa’asea le taugata le soifuaga ua iai nei, ae o lo’u lava ia iloa ai, aisea e fa’asea ai ae o lo’o i o tatou lima fanua ma eleele e galulue ai e fai le fatu aiga tausi. 

“A tu’u lava i se isi itû o le tagata lava ia o le pogai o  le mativa ma le ola falōlō.

By Seia Soloi 01 April 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>